នាព្រឹក ថ្ងៃអង្គារ ៥រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែកុម្ភៈ ឆ្នាំ២០២១ វេលាម៉ោង ៩:០០នាទីព្រឹក ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ និងជាប្រធានគណៈកម្មការរៀបចំដំណើរការតុលាការការងារ បានដឹកនាំកិច្ចប្រជុំលើកទី១ របស់គណៈកម្មការរៀបចំដំណើរការតុលាការការងារ ដើម្បីពិភាក្សាអំពីតួនាទី ភារកិច្ច ព្រមទាំងរបៀបធ្វើការរបស់គណៈកម្មការរៀបចំដំណើរការតុលាការការងារ។ ឯកឧត្តមរដ្ឋលេខាធិការ និងជាប្រធានគណៈកម្មការ បានឯកភាពសម្រេចបែងចែកក្រុមការងារជាពីរដើម្បីទទួលតួនាទី និងភារកិច្ច នៃការរៀបចំដំណើរការតុលាការការងារឱ្យសម្រេចបានតាមផែនការដែលបានគ្រោងទុក។