នាព្រឹកថ្ងៃសុក្រ ១០រោច ខែចេត្រ  ឆ្នាំជូត ទោស័ក ពុទ្ធសករាជ ២៥៦៣ ត្រូវនឹងថ្ងៃទី១៧ ខែមេសា ឆ្នាំ២០២០ នាសម័យប្រជុំវិសាមញ្ញ ព្រឹទ្ធសភា   នីតិកាលទី៤  ឯកឧត្តម កើត រិទ្ធ​ រដ្ឋមន្រ្តីក្រសួងយុត្តិធម៌ ជាតំណាងរាជរដ្ឋាភិបាល  អមដោយសហការី នៃក្រសួងយុត្តិធម៌ និងស្ថាប័នពាក់ព័ន្ធ បានអញ្ជើញចូលរួមប្រជុំការពារ លើសេចក្តីព្រាងច្បាប់ ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន  នៅវិមានព្រឹទ្ធសភា។ 

នៅក្នុងកិច្ចប្រជុំដ៏មានសារៈសំខាន់នេះ  ឯកឧត្ដម  កើត រិទ្ធ​ រដ្ឋមន្រ្តីក្រសួងយុត្តិធម៌ តំណាងរាជរដ្ឋាភិបាលការពារសេចក្តីព្រាងច្បាប់  បានធ្វើការបកស្រាយ  បំភ្លឺ យ៉ាងក្បោះក្បាយ  និងបានគូសបញ្ជាក់អំពីខ្លឹមសារសំខាន់ៗ  និងពីភាពចាំបាច់មិនអាចខ្វះបាននៃការរៀបចំសេចក្តីព្រាងច្បាប់នេះ  ជូនដល់អង្គប្រជុំផងដែរ។  

សេចក្តីព្រាងច្បាប់ដ៏មានសារៈសំខាន់នេះត្រូវបានពិនិត្យ  និងអនុម័តដោយព្រឹទ្ធសភា។