ថ្ងៃអង្គារ​ ៤កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២០​ ខែ តុលា ឆ្នាំ ២០២០ ឯកឧត្តម កេង សុម៉ារិទ្ធ​ រដ្ឋលេខាធិការ​​ក្រសួងយុត្តិធម៌ តំណាង​ដ៏ខ្ពង់ខ្ពស់​ឯកឧត្តម កើត រិទ្ធ ​រដ្ឋមន្រ្តី​ក្រសួងយុត្តិធម៌ អញ្ជើ​ញ​ជាអធិបតី​នៅក្នុងពិធីបើកសន្និសីទស្តីពី «បទល្មើសលើកុមារ» រៀបចំ​ដោយ​ស្ថានទូតអាមេរិក ប្រចាំ​នៅកម្ពុជា​ ដែលនឹងប្រព្រឹត្តទៅ​រយៈពេល ៣ថ្ងៃ ចាប់ពី​ថ្ងៃទី២១ ដល់ថ្ងៃទី ២២​ ខែតុលា ឆ្នាំ ២០២០ នៅសណ្ឋាគារ​ សូហ្វីតែល ភូគីត្រា ខេត្តសៀមរាប ។ សន្និសីទ​នេះ​មានការ​អញ្ជើ​ញចូលពី​ឯកឧត្តមឯកអគ្គរដ្ឋទូត W.Prtrick Murphy ឯកអគ្គរដ្ឋទូត​សហរដ្ឋអាមេរិក​ប្រចាំព្រះរាជាណាចក្រកម្ពុជា លោក លោកស្រី ចៅក្រម ព្រះអាជ្ញារង​ មន្រ្តីក្រសួងយុត្តិធម៌ មន្រ្តីនគរបាលជាតិដែលអញ្ជើ​ញមកពីអគ្គនាយកដ្ឋាន​អន្តោប្រវេសន៍ ការិយាល័យស៊ើបអង្កេត និង សន្តិសុខមាតុភូមិ (Homeland Security Investigations) ការិយាល័យ ស៊ើបអង្កេត​សហព័ន្ធ (Federal Bureau of Investigation) និង​ការិយាល័យ​សន្តិសុខ​តំបន់(RSO) និងអង្គការក្រៅរដ្ឋាភិបាល​មួយចំនួន​។