នារសៀលថ្ងៃសុក្រ ៤រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៧ ខែមករា ឆ្នាំ២០២៥ នៅទីស្តីការក្រសួងយុត្តិធម៌, ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ និងជាប្រធានក្រុមការងារបច្ចេកទេស ដើម្បីអនុវត្តផែនការប្រតិបត្តិ និងតារាងផែនការសកម្មភាពនៃគម្រោងអភិវឌ្ឍន៍វិស័យច្បាប់ និងយុត្តិធម៌ ជំហ៊ានទី៦ បានអញ្ជើញដឹកនាំកិច្ចប្រជុំប្រចាំសប្តាហ៍លើកទី៦២ របស់ក្រុមការងារបច្ចេកទេស ដោយធ្វើការពិនិត្យ និងពិភាក្សាលើរបៀបវារៈចំនួន ២ រួមមាន៖ (១)-ការពិនិត្យ និងរៀបចំទម្រង់នៃកម្មវិធីសិក្សាលម្អិត (Course Syllabus) សម្រាប់មុខវិជ្ជាដែលត្រូវបង្រៀននៅសាលាភូមិន្ទចៅក្រម និងព្រះរាជអាជ្ញា (២)-ការពិនិត្យ និងពិភាក្សាអំពីគំរូនៃកម្មវិធីសិក្សាលម្អិតលើមុខវិជ្ជា “ការលែងលះ”។