រាជធានីភ្នំពេញ៖ នាព្រឹកថ្ងៃអង្គារ ២រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែធ្នូ ឆ្នាំ២០២៤, លោកជំទាវ សុន សុខាលីដា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអយ្យការ និងព្រហ្មទណ្ឌ បានអញ្ជើញដឹកនាំកិច្ចប្រជុំផ្ទៃក្នុង ដើម្បីបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់អគ្គនាយកដ្ឋានកិច្ចការអយ្យការ និងព្រហ្មទណ្ឌ។

កិច្ចប្រជុំនេះ មានការចូលរួមពី ឯកឧត្តម លោកជំទាវ ជាអគ្គនាយករង ឯកឧត្តម លោកជំទាវ លោក លោកស្រី ជាប្រធាននាយកដ្ឋាន ជាព្រះរាជអាជ្ញា និងមន្រ្តីពាក់ព័ន្ធ ដើម្បីណែនាំសមាសភាពថ្មី ជាព្រះរាជអាជ្ញាចំនួន ៦ រូប ដែលត្រូវបំពេញការងារនៅអគ្គនាយកដ្ឋាន និង ប្រជុំពិនិត្យ ពិភាក្សាការងារ និងបូកសរុបលទ្ធផលការងារឆ្នាំ២០២៤ និងលើកទិសដៅបន្តឆ្នាំ២០២៥។