នៅព្រឹកថ្ងៃអង្គារ ៣ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែកក្កដា​ ឆ្នាំ២០២៤, ឯកឧត្តម​ អ៊ូ រ៉ាស៊ី​ រដ្ឋលេខាធិការក្រសួងយុត្តិធម៌​ និងជា​សហប្រធាន​នៃគណៈកម្មការដឹកនាំ​ និង​អនុវត្ត​យុទ្ធនាការ​ត្រួតពិនិត្យ​ និងដោះស្រាយ​ភាពមិនប្រក្រតីនៅតាមតុលាការ​ (​ គ.ត.ម.)​ បានដឹកនាំកិច្ចប្រជុំផ្ទៃក្នុងដើម្បី​ពិនិត្យ និងដោះស្រាយលើបណ្ដឹងដែលមានភាពស្មុគស្មាញ និងពិនិត្យលើ​វឌ្ឍនភាព​​ការងាររបស់ក្រុមការងារ​បច្ចេកទេស​សំណុំរឿង​ព្រហ្មទណ្ឌ នៃ​គ.ត.ម.។ កិច្ចប្រជុំនេះមានការចូលរួមពីក្រុមការងារដែលទទួលបន្ទុកពិនិត្យ និងចាត់ការលើពាក្យសុំអន្តរាគមន៍ ជាមួយក្រុមការងារស្ថិតិ ដើម្បីពិនិត្យលើវឌ្ឍនភាពការងារព្រមទាំងពង្រឹងធ្វើយ៉ាងណាដើម្បីឱ្យការដោះស្រាយពាក្យសុំអន្តរាគមន៍មានភាពឆាប់រហ័ស និងយុត្តិធម៌ជូនម្ចាស់ពាក្យសុំអន្តរាគមន៍។