នាព្រឹក ថ្ងៃអង្គារ ៣រោច​ ខែអាសាឍ ឆ្នាំរោង ឆស័ក ពុទ្ធសករាជ២៥៦៨ ត្រូវនឹងថ្ងៃទី២៣ ខែកក្កដា ឆ្នាំ២០២៤, ឯកឧត្តម​ ឡុង​ នរិន្ទ​ រដ្ឋលេខាធិការក្រសួងយុត្តិធម៌​ និងសហប្រធាន​គណៈកម្មការដឹកនាំ​ និង​អនុវត្ត​យុទ្ធនាការ​ត្រួតពិនិត្យ​ និងដោះស្រាយ​ភាពមិនប្រក្រតីនៅតាមតុលាការ​ (​ គ.ត.ម.)​ បានអញ្ជេីញដឹកនាំកិច្ចប្រជុំផ្ទៃក្នុងដេីម្បី​ពិនិត្យ​វឌ្ឍនភាព​​ការងារ​ និងពិនិត្យសំណុំរឿងនានាដែលបានប្តឹងចូលមកយុទ្ធនាការ​ត្រួតពិនិត្យ​ និងដោះស្រាយ​ភាពមិនប្រក្រតីនៅតាមតុលាការ​ ផ្នែករដ្ឋប្បវេណី។​ កិច្ចប្រជុំផ្ទៃក្នុងនេះមានការ​អញ្ជើញ​ចូលរួមពី ឯកឧត្ដម លោកជំទាវ លោក លោកស្រី​ នៃក្រុមការងារ​បច្ចេកទេសទទួលបន្ទុកលេី​សំណុំរឿង​រដ្ឋប្បវេណី​ នៃ​គ.ត.ម.​។