ទីស្តីការក្រសួងយុត្តិធម៌៖ នៅរសៀល ថ្ងៃសុក្រ ៧រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមិថុនា ​ឆ្នាំ២០២៤ នេះ, ឯកឧត្តម តាន់ហ៊ាង ដាវ័ណ្ណ រដ្ឋលេខាធិការក្រសួងយុត្តិធម៌ និងជាអនុប្រធានប្រចាំការ នៃក្រុមប្រឹក្សានីតិកម្ម និងយុត្តិធម៌នៃក្រសួងយុត្តិធម៌ អញ្ជើញដឹកនាំកិច្ចប្រជុំក្រុមការងារចំពោះកិច្ចដើម្បីពិនិត្យ​ និងពិភាក្សាបន្តលេីសេចក្តីព្រាងផែនការសកម្មភាព​របស់ក្រុមប្រឹក្សានីតិកម្ម​ និងយុត្តិធម៌​។ កិច្ចប្រជុំនេះមានការអញ្ជេីញចូលរួមពីសំណាក់​ ឯកឧត្តម​ លោកជំទាវ​ ជាអនុប្រធាន​ សមាជិកក្រុមប្រឹក្សានីតិកម្ម​ និងយុត្តិធម៌​ និងជា​អនុប្រធាន​ សមាជិកក្រុមការងារចំពោះកិច្ចទទួលបន្ទុករៀបចំផែនការយុទ្ធសាស្រ្តរបស់ក្រុមប្រឹក្សានីតិកម្ម​ និងយុត្តិធម៌​ ព្រមទាំងលេខាធិការដ្ឋានក្រុមប្រឹក្សានីតិកម្ម​ និងយុត្តិធម៌។