ប្ដូរភាសា :
រាជធានីភ្នំពេញ ៖ នាថ្ងៃពុធ ១៤រោច ខែចេត្រ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី១៩ ខែមេសា ឆ្នាំ២០២៣ នេះ, ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានអនុញ្ញាតឱ្យលោក SANUI Kazumasa ប្រធានទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំកម្ពុជា ចូលជួបសម្តែងការគួរសម និងពិភាក្សាការងារ នៅក្នុងឱកាសដែលលោកចាប់ផ្តើមអាណត្តិបេសកកម្មនៅកម្ពុជា ចាប់ពីខែមេសានេះ។ កិច្ចពិភាក្សានៅក្នុងជំនួបនេះផ្តោតសំខាន់ទៅលើការងារមួយចំនួនរួមមាន(១)-កិច្ចដំណើរការគម្រោងអភិវឌ្ឍន៍វិស័យច្បាប់ និងយុត្តិធម៌ ជំហានទី៦, (២)-ការពង្រឹង និងពង្រីកកិច្ចសហប្រតិបត្តិការក្នុងវិស័យច្បាប់ និងយុត្តិធម៌រវាងប្រទេសកម្ពុជា និងប្រទេសជប៉ុន និង(៣)-ការបណ្តុះបណ្តាលធនធានមនុស្សក្នុងវិស័យយុត្តិធម៌កម្ពុជា។ ថ្លែងក្នុងជំនួបនេះ ឯកឧត្តមរដ្ឋមន្រ្តី បានស្វាគមន៍យ៉ាងកក់ក្តៅចំពោះលោកប្រធាន ព្រមទាំងបានជូនពរឱ្យលោកទទួលបានជោគជ័យក្នុងអាណត្តិបេសកកម្មថ្មីនៅកម្ពុជា ។ 
លេខទូរស័ព្ទ: (+855) 23 216 322, (+855) 23 217 841
សារអេឡិចត្រូនិក: info@moj.gov.kh
គេហទំព័រ: https://www.moj.gov.kh/
