នាថ្ងៃចន្ទ ៨រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែកុម្ភៈ ឆ្នាំ២០២៣, ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ បានអញ្ជើញជាតំណាងដ៏ខ្ពង់ខ្ពស់ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ ចូលរួមជាអធិបតីក្នុងពិធីបើកសិក្ខាសាលាស្តីពី «វិធីសាស្ត្រក្នុងស៊ើបអង្កេតកម្រិតមូលដ្ឋាន» ដែលរៀបចំឡើងដោយការិយាល័យសេនានុព័ន្ធស៊ើបអង្កេតសន្តិសុខមាតុភូមិប្រចាំស្ថានទូតសហរដ្ឋអាមេរិកនៅកម្ពុជា។