នាព្រឹក ថ្ងៃពុធ ១៥កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែកក្កដា ឆ្នាំ២០២២ ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ តំណាងដ៏ខ្ពង់ខ្ពស់ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ អញ្ជើញចូលរួមជាអធិបតីភាព ជាមួយឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ក្នុងពិធីបិទវគ្គបណ្តុះបណ្តាលស្តីពី “ច្បាប់ និងបទបញ្ញត្តិពាក់ព័ន្ធនឹងនគរបាលយុត្តិធម៌” ជូនថ្នាក់ដឹកនាំនិងមន្រ្តីរាជការពន្ធដារ ដែលបានបំពេញនីតិសម្បទាជានគរបាលយុត្តិធម៌ ក្នុងវគ្គទី១ ចំនួន ៥៧៥ រូប ដែលរៀបចំនៅសាលាជាតិពន្ធដារ។ ពិធីបិទវគ្គបណ្តុះបណ្តាលនេះ ក៏មានការចូលរួមពីសំណាក់ឯកឧត្តម លោកជំទាវ ជាថ្នាក់ដឹកនាំនៃអគ្គនាយកដ្ឋានពន្ធដារ ក្រុមគ្រូឧទ្ទេសពីក្រសួងយុត្តិធម៌ផងដែរ។