​នៅ​ព្រឹក​ថ្ងៃ​សុក្រ ១០​កើត ខែមាឃ ឆ្នាំឆ្លូវ ត្រី​ស័ក ពុទ្ធសករាជ ២៥៦៥ ត្រូវ​នឹង​ថ្ងៃទី​១១ ខែកុម្ភៈ ឆ្នាំ​២០២២ ឯកឧត្តម គឹម សន្តិភាព រដ្ឋលេខាធិការ​ក្រសួងយុត្តិធម៌ និង​ជា​ប្រធាន​គណៈកម្មការ​ជាតិ​ដោះលែង​ដោយមាន​លក្ខខណ្ឌ បាន​អញ្ជើញ​ដឹកនាំ​កិច្ចប្រជុំ​របស់​គណៈកម្មកា​រ​ជាតិ​ដោះលែង​ដោយមាន​លក្ខខណ្ឌ ដែល​បាន​ប្រព្រឹត្តទៅ​នៅ​សាលប្រជុំ​នៃ​ទីស្តីការក្រសួង​យុត្តិធម៌ ដើម្បី​ពិនិត្យ​ផ្តល់យោបល់​លើ​សំណើ​របស់​សាលាដំបូង​ខេត្តកំពង់ចាម ។

            កិច្ចប្រជុំ​នេះ មានការ​អញ្ជើញ​ចូលរួម​ពី ឯកឧត្តម ប៉ាវ ហមផាន រដ្ឋលេខាធិការ​ក្រសួងមហាផ្ទៃ និង​ជា​អនុប្រធាន​គណៈកម្មការ​ជាតិ​ដោះលែង​ដោយមាន​លក្ខខណ្ឌ ឯកឧត្តម យឹម សារី អនុរដ្ឋលេខាធិការ​ក្រសួងយុត្តិធម៌ អនុប្រធាន​គណៈកម្មកា​រ​ជាតិ​ដោះលែង​ដោយមាន​លក្ខខណ្ឌ ព្រមទាំង ឯកឧត្តម លោក លោកស្រី ដែលជា​សមាជិក​នៃ​គណៈកម្មការ​ជាតិ​ដោះលែង​ដោយមាន​លក្ខខណ្ឌ​ផងដែរ ។​