នាថ្ងៃ ព្រហស្បត្តិ៍ ៨ រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៤ ខែតុលា ឆ្នាំ២០២១ ក្រុមការងារបច្ចេកទេស នៃលេខាធិការដ្ឋានអចិន្ត្រៃយ៍ នៃគណៈកម្មាធិការដឹកនាំការកែទម្រង់ច្បាប់ និងប្រព័ន្ធយុត្តិធម៌ ដឹកនាំដោយ ឯកឧត្តម ខាន់ វណ្ណៈ អគ្គាធិការ និងជាអនុប្រធានលេខាធិការដ្ឋានអចិន្ត្រៃយ៍ តំណាង ឯកឧត្តម ជិន ម៉ាលីន រដ្ឋលេខាធិការ និងប្រធានលេខាធិការដ្ឋានអចិន្ត្រៃយ៍ អញ្ជើញចូលរួមកិច្ចប្រជុំយន្តការសម្របសម្រួលការងារកែទម្រង់បី បូក មួយ តាមប្រព័ន្ធវីដេអូហ្ស៊ូម (Zoom)។ កិច្ចប្រជុំនេះ ត្រូវបានពិភាក្សាលើរបៀបវារៈសំខាន់ៗចំនួន ២ ដូចខាងក្រោម៖ ១-សេចក្តីព្រាងឯកសារទស្សនាទានស្តីពីចក្ខុវិស័យ និងយុទ្ធសាស្ត្រនៃកម្មវិធីកែទម្រង់បី បូក មួយ ២-បញ្ហាផ្សេងៗ។