នៅព្រឹកថ្ងៃសុក្រ ១៣ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២ ខែសីហា ឆ្នាំ២០២៤, ឯកឧត្តម​ អ៊ូ រ៉ាស៊ី​ រដ្ឋលេខាធិការក្រសួងយុត្តិធម៌​ និងជា​សហប្រធាន​នៃគណៈកម្មការដឹកនាំ​ និង​អនុវត្ត​យុទ្ធនាការ​ត្រួតពិនិត្យ​ និងដោះស្រាយ​ភាពមិនប្រក្រតីនៅតាមតុលាការ​ (​ គ.ត.ម.)​ បានដឹកនាំក្រុមការងារនៃក្រសួងយុត្តិធម៌ ចុះធ្វើអធិការកិច្ចនៅសាលាឧទ្ធរណ៍ និងមហាអយ្យការអមសាលាឧទ្ធរណ៍ព្រះសីហនុ។ ការចុះធ្វើអធិការកិច្ចនេះ មានការចូលរួមសហការពី ឯកឧត្តមប្រធានសាលាឧទ្ធរណ៍ ឯកឧត្តមអគ្គព្រះរាជអាជ្ញា ឯកឧត្តមអគ្គលេខាធិការដ្ឋាន និងចៅក្រមនៃសាលាឧទ្ធរណ៍។