នៅរសៀលថ្ងៃចន្ទ ៣ កេីត ខែអាសាឍ​ ឆ្នាំរោង​ ឆស័ក ព.ស.២៥៦៨​ ត្រូវនឹងថ្ងៃទី៧​ ខែកក្កដា​ ឆ្នាំ២០២៤ តាមការចាត់តាំងដ៏ខ្ពង់ខ្ពស់​របស់​ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រី​ក្រសួងយុត្តិធម៌ ​ឯកឧត្តម​ តាន់ហ៊ាង​ ដាវ័ណ្ណ​ រដ្ឋលេខាធិការក្រសួងយុត្តិធម៌ រួមជាមួយថ្នាក់ដឹកនាំនៃបណ្ឌិត្យសភាភូមិន្ទយុត្តិធម៌កម្ពុជា​ អមដោយសហការីជាថ្នាក់ដឹកនាំ​ និងមន្ត្រីនៃក្រសួងយុត្តិធម៌​ និងនៃបណ្ឌិត្យសភាភូមិន្ទយុត្តិធម៌កម្ពុជា​ បានទទួលជួបពិភាក្សាការងារជាមួយគណៈប្រតិភូនៃគណៈកម្មការសហប្រតិបត្តិការសារការីអន្តរជាតិ​ (CCNI) នៃសហភាពអន្តរជាតិនៃសារការីឡាតាំង​ (UINL) ដឹកនាំដោយ​លោកសារការី Michiel VAN SEGGELEN សារការីនៃប្រទេសបារាំង​ និងជាអនុប្រធាននៃCCNI រួមដំណេីរជាមួយដោយសារការីនៃ ៥ ប្រទេសផ្សេងទៀត ដែលជាអនុប្រធាន និងសមាជិកនៃCCNI​ ផងដែរ។ ជំនួបពិភាក្សានេះ​ ផ្តោតលេីការផ្លាស់ប្តូរព័ត៌មានគ្នាទៅវិញទៅមក​អំពីការគ្រប់គ្រង និងការអនុវត្តវិជ្ជាជីវ:សារការីនៅប្រទេសបារាំង​ អ៊ីតាលី​ អេស៉្បាញ​ អាល្លឺម៉ង់​ នីហ្សេរីយ៉ា កូតឌីវ័រ​ និងកម្ពុជា​ ព្រមទាំងអត្ថប្រយោជន៍នៃការចូលជាសមាជិកនៃUINL​ ដើម្បីទទួលធាតុចូលបន្ថែមក្នុងការរៀបចំច្បាប់ស្តីពីលក្ខន្តិកៈសារការី និងលិខិតបទដ្ឋានគតិយុត្តពាក់ព័ន្ធ នៅកម្ពុជា។ ក្រោយជំនួបពិភាក្សានេះ​ គណៈប្រតិភូនៃCCNI ទាំងអស់​ បានធ្វេីបទបង្ហាញ​អំពីសហភាពអន្តរជាតិនៃសារការីឡាតាំង​ (UINL) ជូនដល់សិស្សសារការីជំនាន់ទី៣​ និងទី៤​ នៃសាលាភូមិន្ទសារការី​ ព្រមទាំងចូលរួមឆ្លេីយសំណួរពាក់ព័ន្ធនឹងវិជ្ជាជីវៈសារការីផងដែរ។ គួរបញ្ជាក់ដែរថា UINL មានសមាជិកចំនួន ៩២ ប្រទេស ដែលគ្របដណ្តប់លើសពី ពីរភាគបី នៃប្រជាជន និងសេដ្ឋកិច្ចពិភពលោក។