រសៀលថ្ងៃសុក្រ ៥រោច ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៧ ខែកក្កដា ឆ្នាំ២០២៣ នៅបណ្ឌិត្យសភាភូមិន្ទយុត្តិធម៌កម្ពុជា ក្រុមការងារបច្ចេកទេស ដើម្បីអនុវត្តផែនការប្រតិបត្តិ និងតារាងផែនការសកម្មភាពនៃគម្រោងអភិវឌ្ឍន៍វិស័យច្បាប់ និងយុត្តិធម៌ ជំហានទី៦ បានបន្តកិច្ចប្រជុំពិភាក្សាលើកទី៨ នៃក្រុមការងារបច្ចេកទេសនេះ ដើម្បីពិនិត្យ និងពិភាក្សាបន្តលើចំណុចសំខាន់ចំនួន ២ រួមមាន៖ (១)-កិច្ចពិភាក្សា ស្តីពីផែនការសម្រាប់ការចុះធ្វេីកិច្ចសម្ភាសន៍ចៅក្រមនៅតាមសាលាដំបូងរាជធានី ខេត្ត (២)-កិច្ចពិភាក្សា ស្តីពីលទ្ធផលនៃសិក្ខាសាលាសម្រាប់សិស្សចៅក្រម និងសិស្សព្រះរាជអាជ្ញា។