នៅរសៀលថ្ងៃអង្គារ ៩កើត ខែស្រាពណ៌ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៧ ខែសីហា ឆ្នាំ២០២១ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ និងជាអនុប្រធានគណៈប្រចាំការ នៃគណៈកម្មការជាតិប្រយុទ្ធនឹងជំងឺកូវីដ-១៩ បានអញ្ជើញដឹកនាំសហការីជាន់ខ្ពស់ចូលរួមកិច្ចប្រជុំបន្ទាន់របស់គណៈកម្មការប្រតិបត្តិនៃគណៈកម្មការអន្តរក្រសួង ក្រោមអធិបតីភាពដ៏ខ្ពង់របស់ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ តាមរយៈប្រព័ន្ធវីដេអូហ៊្សូម (Zoom)។ កិច្ចប្រជុំនេះ មានការចូលរួមពីសាលារាជធានីភ្នំពេញដែលមានឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ, អភិបាលរង និងអភិបាលខណ្ឌទាំង១៤ ក្នុងរាជធានីភ្នំពេញ។