នៅរសៀលថ្ងៃពុធ ៤កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ខែមិថុនាឆ្នាំ២០២០ នាសាលប្រជុំសាលាដំបូងខេត្តកំពត លោកព្រះរាជអាជ្ញាបានបើកកិច្ចប្រជុំនគរបាលយុត្តិធម៌ ខេត្តកំពត-កែប ដោយមានការអញ្ជើញចូលរួមពី លោកស្នងការរង លោកមេបញ្ជាការរងខេត្តកំពតនិងកែប តាមរបៀបវារៈប្រជុំចំនួនពីរគឺ

១-ពង្រឹងសមត្ថភាពការងារនិងប្រើកំលាំង(ភ្នាក់ងារសម្ងាត់)បង្ក្រាបចាប់យកវត្ថុតាងនិងរបៀបកសាងសំណុំរឿងធ្វើតេស្តបឋមធ្វើរបាយការណ៍សំយោគ។

២- ចូលរួមវេចខ្ចប់គ្រឿងញៀនវត្ថុតាងដែលមានសាលក្រមស្ថាពរដើម្បីត្រៀមចូលរួមដុតបំផ្លាញក្នុងទិវាអន្តរជាតិប្រយុទ្ធប្រឆាំងគ្រឿងញៀន នៅថ្ងៃទី២៦ ខែមិថុនា ២០២០ នាខេត្តព្រះសីហនុ។